Tradisi malem tahun baru
tumrap kalangan kawula muda
pada gawe acara
kumpul kumpul mangan bareng
Bakar bakaran
utawa pesta pora
ana sing ngarani mayoran
Mbakar Entog, Ayam, Kelinci, Grameh, lan liya liyane
utawa apa sing lagi dikepengini
kanggo cagak melek
seneng seneng sewengi muput
Malah ana sing andon mbuang wektu
mlaku mlaku ora genah sing dituju
sekang ngumah asal metu
jere ngormati malem tahun baru
Uga ana sing liyang liyung ora genah
tetet towet sompretan ngalor ngidul
dar dor nyumedi mercon
cekakak cekikik guyon saben enggon
Bakar bakaran
apa makna lan manfaate ?
tek terangna mbok salah paham
nganah takokna dewek karo sing pada nglakoni.***
Sumber : Edi Maryono
